चंदा करि पुलिस चौकी बना देलक गामक लोक

पटना। चंदा एकत्रित करि पहिने गाम मे मंदिर, मस्जिद या धर्मशाला बनैत छल, एखनो बनैत अछि, मुदा आब एकटा आओर प्रथा शुरू भेल अछि। मुजफ्फरपुर जिला क सकरा थाना क्षेत्र मे बरियारपुर गाम मे ग्रामीण चंदा एकत्रित करि पुलिस चौकी क भवन क निर्माण करा देलक अछि। एहि ठाम पहिने पुलिस चौकी एकटा झोपड़ी मे छल। गामक लोक कए इ नीक नहि लागल आ ओ चंदा एकत्रित करि पुलिस चौकी क भवन क निर्माण करबाक फैसला लेलक। आब एहि ठाम दू मंजिला भवन बनि कए तैयार भ गेल अछि। भवन निर्माण मे लगभग तीन लाख टका खर्च भेल अछि। बरियारपुर ग्राम पंचायत क सरपंच धनेश कुमार क अनुसार, ‘भवन मे प्रथम तल पर एकटा पैघ-सन हॉलनुमा कोठली अछि, जखनकि दोसर तल पर दू टा पैघ-पैघ कोठली अछि। Ó बरियारपुर पुलिस चौकी क प्रभारी भोला कुमार सिंह क कहब अछि, ‘चौकी मे फिलहाल 20 सशस्त्र जवान अछि, जाहि मे तीनटा पुलिस अधिकारी छथि। ग्रामीण क सहयोग स बनल एहि भवन मे आब पुलिसकर्मी कए जतय रहबा क सुविधा भेट गेल ओतहि पुलिसक कामकाज मे मौसम व्यवधान नहि द सकत।Ó

नीक वा अधलाह - ज़रूर कहू जे मोन होय

comments