गया क लेल ‘महाराजा’

esamaad--
गया/ नई दिल्ली। पैलेस ऑन व्हील्स क तर्ज पर एकटा आओर शाही ट्रेन ‘महाराजा एक्सप्रेसÓ अगिला साल स दिल्ली आ कोलकाता क बीच चलत। एकर फायदा बिहार क विश्व प्रसिद्ध पर्यटन स्थल गया कए सेहो भेटत। दिल्ली स कोलकाता क रास्ता मे इ आगरा, ग्वालियर, खजुराहो, बांधवगढ़, वाराणसी आ गया क रास्ता स गुजरत। आईआरसीटीसी क प्रबंध निदेशक राकेश टंडन कहलथि अछि जे ‘महाराजा एक्सप्रेसÓ ट्रेन बिहारक गया मे रूकत। ओ कहलथि जे यदि कोनो यात्री एहि स्टेशन स बिहारक अन्य स्थान पर जेबा लेल विमान सेवा कए पसंद करताह त हुनका इ सुविधा सेहो मुहैया कराउल जाइत। एहि सम्बंध मे विमान सेवा प्रदाता कम्पनी स चर्चा भ रहल अछि। आईआरसीटीसी क एक वरिष्ठ अधिकारी कहला जे एकर ट्रायल दिसंबर मे होयत। ओना देश क इ पहिल सुपर लक्जरी ट्रेन ‘महाराजा एक्सप्रेसÓ कए अगिला साल मुंबई स झंडी देखाउल जाइत। इ ट्रेन अक्टूबर स मार्च मे चलाउल जाइत। अधिकारी कहलथि जे शेष समय मे एकर इस्तेमाल चार्टर्ड सेवा क तौर पर भ सकैत अछि। आईआरसीटीसी धार्मिक आ पर्यटन स्थल क सैर क टूर पैकेज क लेल समय सारिणी अलग स घोषित करत।
एहि लक्जरी ट्रेन मे 23टा वातानुकूलित कोच होयत, जे 88टा पर्यटक कए ल कए दिल्ली क सात दिन छह राति क पहिल यात्रा पर नौ जनवरी कए निकलत। ट्रेन क सबटा कोच मे अलग-अलग तापमान नियंत्रण प्रणाली होयत आ एहि मे पर्यावरण हितैषी शौचालय सेहो रहत। एहन सुविधा पहिल बेर कोनो ट्रेन मे देखबा मे भेटत। महाराजा एक्सप्रेस मे टीवी क अलावा इंटरनेट, फिल्म देखबा आदि क सेहो सुविधा रहत। कोलकाता आ मुंबई दूनू बाट पर एहि ट्रेन मे यात्रा करिनिहार कए वन मे बाघ क झलक देखबाक मौका भेटत । मुंबई क रास्ता मे रणथंभौर आ कोलकाता क बाट पर बांधवगढ़ राष्ट्रीय अभयारण्य पड़ैत अछि। ट्रेन मे यात्रा क लेल चारिटा स्तर अछि। एहि मे प्रेसीडेंशियल सूट (2500 डालर) क अलावा 1400 डालर, नौ सौ डालर और आठ सौ डालर क टैरिफ वाला सूट होयत। महाराजा एक्सप्रेस में न्यूनतम टैरिफ 800 डालर (लगभग 40 हजार टका ) आओर अधिकतम 2500 डॉलर (करीब 125000 टका) तक होयत। कुल मिला कए ट्रेन मे यात्रा क लेल एकटा पर्यटक कए प्रति दिन एक लाख टका स किछु बेसी खर्च हेतेन।

नीक वा अधलाह - ज़रूर कहू जे मोन होय

comments