गंगा एक्सप्रेस-वे कए मंत्रिपरिषद क मंजूरी

0
4
esamaad maithili newspaper

पटना। पिछला 40 साल स आंखि मे बसल सपना आब जमीन पर उतरबाक क्रम मे अछि। राजधानी मे गंगा क कछैर मे सड़क क बहुप्रतीक्षित योजना अगिला तीन साल मे साकार भ जाएत। मंत्रिपरिषद एहि स संबंधित परियोजना प्रतिवेदन कए मंजूरी द देलक। संगहि निर्माण लेल 183 हेक्टेयर जमीन पथ निर्माण विभाग कए हस्तांतरित करबाक प्रस्ताव कए सेहो स्वीकृति द देलक। एहि मे केंद्र, राज्य सरकार आ निजी भूमि शामिल अछि। 2234.46 करोड़ क लागत स एकर निर्माण हेबाक अछि। 2016 तक निर्माण पूरा करबाक लक्ष्य अछि।
दीघा स दीदारगंज तक गंगा एक्सप्रेस-वे क लंबाई 21.50 किलोमीटर होएत। एहि फोर-लेन क एकटा सिरा एनचए-58 स जुड़ेत त पूरब मे एनएच-30 स। गोलघर स सिटी कोर्ट तक करीब सात किलोमीटर एलिवेटेड सड़क होएत। सातटा स्थान पर अंडर पास क सेहो व्यवस्था रहत।
एकर अलावा कैबिनेट एएन सिन्हा संस्थान कए एक करोड़ रुपए अनुदान, समस्तीपुर जिला मे पटोरी अनुमंडलीय अस्पताल क नाम जन नायक कर्पूरी ठाकुर क नाम पर करबाक स्वीकृति द देलक। नव स्वीकृत रामधारी सिंह दिनकर इंजीनियरिंग कालेज बेगूसराय क भवन निर्माण लेल 85.49 करोड़ टकाक सेहो मंजूरी देलक अछि।

maithili news, mithila news, bihar news, latest bihar news, latest mithila news, latest maithili news, maithili newspaper

Please Enter Your Facebook App ID. Required for FB Comments. Click here for FB Comments Settings page