कोशी प्रमंडल कए शीघ्र भेटत 150 मेगावाट अतिरिक्त बिजली

मधेपुरा । कोशी प्रमंडल कए पर्याप्त बिजली भेटबाक उम्मीद अछि। मधेपुरा, पूर्णिया, सुपौल, सहरसा आ सोनबरसा मे धड़ल्ले स ग्रिड क निर्माण कार्य युद्धस्तर पर जारी अछि। एहि स एहि क्षेत्र कए 150 मेगावाट अतिरिक्त बिजली भेटत। पहिल चरण मे 220/132/33 केवी मधेपुरा ग्रिड क निर्माण कार्य पूरा भ चुकल अछि। जेकर उद्घाटन 6 जून कए मुख्यमंत्री नीतीश कुमार केलथि। ग्रिड उपकेन्द्र आ एहि स सम्बन्धित संचरण लाइन क कुल लागत 99 करोड़ अछि। इ ग्रिड पूर्णिया स्थित पावरग्रिड क 400/220 केवी स 101.163 किमी 220 केवी द्विपथीय संचरण लाइन स जोड़ल गेल अछि। संगहि इ ग्रिड उपकेन्द्र 132 केवी संचरण लाइन द्वारा निर्माणाधीन ग्रिड उपकेन्द्र सोनबरसा स जोड़ल जा रहल अछि आ कार्यरत ग्रिड उपकेन्द्र सुपौल आ सहरसा स जोड़ल जा चुकल अछि। एहि ग्रिड कए सिंघेश्वरस्थान आ गम्हरिया स्थित 33/11 केवी पावर उपकेन्द्र स सेहो 33 केवी लाइन द्वारा जोड़ल जा रहल अछि। मधेपुरा (सिंघेश्वर) ग्रिड उपकेन्द्र क निर्माण कार्य पूरा भ चुकल अछि। सोनबरसा ग्रिड उपकेन्द्र कए जोड़निहार 132 केवी संचरण लाइन क कार्य प्रगति पर अछि जखनकि सहरसा आ सुपौल ग्रिड उपकेन्द्र कए जोड़निहार 132 केवी संचरण लाइन क कार्य पूरा भ चुकल अछि। 33 केवी मधेपुरा-सिंघेश्वरस्थान क कार्य पूरा भ गेल अछि आ 33 केवी मधेपुरा-गम्हरिया क कार्य प्रगति पर अछि।

इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa

नीक वा अधलाह - ज़रूर कहू जे मोन होय

comments