बहुत किछु होएत दरभंगा क तारामंडल मे


दरभंगा। शहर मे करीब 50 करोड स प्रस्‍तावित बिहार क दोसर तारामंडलक डिजाइन सामने आबि गेल अछि। इ तारामंडल उत्‍तर भारत मे सबस आधुनिक होएत। संगहि एहि परिसर मे विज्ञान संग्रहालय आ आन तरहक गतिविधि लेल सेहो प्रयाप्‍त जगह होएत। इ तारामंडल 2015 तक बनेबाक लक्ष्‍य राखल गेल अछि। ज्ञात हुए जे दरभंगा मे तारामंडल खोलबाक घोषणा 2006 मे मुख्‍यमंत्री नीतीश कुमार केने छलाह। मिथिला मे इ पर्यटन कए बढाबा देत।
तारामंडलक डिजाइन क संबंध मे जानकारी भेटल अछि जे विज्ञान संग्रहालय क इ योजना मुख्यतः एकटा दूरबीन क आइडिया पर आधारित अछि, मुदा एकर बाहरी स्‍थापत्‍य नालंदाक अवशेष पर आधारित राखल गेल अछि। इमारत क पूर्वी छोर छोट आ पातर अछि आ जेना जेना इ पश्चिम दिस जाइत अछि इ फैलैत जाइत अछि। एकर मुख आकाश दिस आओर उठि जाइत अछि। इमारत कए एहि तरह स व्यवस्थित कैल गेल अछि जे एकर अंदर स प्रशस्त ब्रह्माण्ड क नज़ारा अन्दर वेधशाला मे बैसकए देखल जा सकैत अछि।
विज्ञान केंद्र आ मुख्य गैलरी प्रकाश कए एकटा माध्यम स दोसर माध्यम मे गमन कए देखबैत अछि जे ठीक कोनो दूरबीन जेकां अछि। विज्ञान भवन आ साईट मे आगन्तुक क आवागमन एन्जल्ड वाल द्वारा संचालित होएत। कार्यक्रम पाँच खंड मे विभाजित अछि 1. प्रांगण, परिदृश्य चौक टिकट, आ प्रशासन
2. कैफे लॉबी, आ उपहार क दुकान क रूप मे सार्वजनिक कार्य
3. विज्ञान संग्रहालय दीर्घा, आओर लेजर थिएटर
4. तारा घर
5. ऑडिटोरियम आओर वेधशाला

विज्ञान भवन क मुख्य गैलरी अतिरिक्त शोध कार्य लेल अछि। एहि गैलरी क स्थापना बिग-बैंग, ब्रह्मांडीय विकास, आ विज्ञान क क्षेत्र इंटरैक्टिव दृष्टिकोण क अनुमति देबा लेल अछि।
लेजर थियेटर एकटा छोट सन गुम्बददार भवन अछि जाहि मे पचास गोटे बैस सकताह। इ विज्ञान केंद्र आ मुख्य गैलरी लग अछि। इ एकटा 14 मीटर चौड़ा गोलाकार तारामंडल क छोटा स्वरूप अछि जे विज्ञान भवन क मुख्य आंगन केंद्र क पुल को प्रदर्शित करैत अछि। इ गोलाकार चिन्ह संग्रहालय क बीचो बीच ह्रदय स्थल मे बसल अछि जे मुख्य गैलरी स नजर आउत। आंगतुक तारामंडल क प्रथम तल स एहि मे प्रवेश करताह जे एहि गोलाकार गुम्बद क हिस्सा अछि। आओर एहि हाल क भीतर गद्देदार सीट पर बैस कए लेजर शो क मज़ा लेताह। रात्रि क समय तारामंडल कए देखबा लेल दर्शक साईट कए पश्चिमी हिस्‍सा स चलि कए सभागार तक पहुंचेबाक व्‍यवस्‍था अछि। एहि क्षेत्र क निचला तल मे एकटा लोबी अछि जे वेधशाला क प्रवेश द्वार पर खुलैत अछि। वेधशाला तक पहुचबा लेलइ छत काफी खुलल अछि जाहि स दर्शक कए वेधशाला तक पहुँचबा मे कोनो दिक्कत नहि होएत संगहि दर्शक आकाशीय नज़रा क दर्शन सेहो क सकताह।
maithili news, mithila news, bihar news, latest bihar news, latest mithila news, latest maithili news, maithili newspaper, darbhanga, patna

नीक वा अधलाह - ज़रूर कहू जे मोन होय

comments

6 टिप्पणी

  1. नीक आ स्वागत योग्य गप्प ।

    पर, घोषना सँ ६ वर्ष लागल प्रदर्श (मॉडेल) बनबा मे ।

    तँ की ‍१२ वर्ष लागत निर्माण शुरु होयबा आ ३६ वर्ष लागत बनबा मे ?

  2. बिहार सरकार सँ विनम्र निवेदन जे २०‍१४ ऐ॰क चुनाव सँ पुर्व निर्माण प्रक्रिया केँ सुनिश्चित चरण धरि लऽ जाथु, जाहि सँ हमर आ आन मिथिलाबासी सभक उपरोक्त टिप्पणी सभ फूसि प्रमाणित हो ।

    नहि तँ ई चुनावी आश्वासनहि बूझल जायत ।

    शुभमस्तु ।

  3. बिहार सरकार सँ विनम्र निवेदन जे २०‍१४ ई॰क चुनाव सँ पुर्व निर्माण प्रक्रिया केँ सुनिश्चित चरण धरि लऽ जाथु, जाहि सँ हमर आ आन मिथिलाबासी सभक उपरोक्त टिप्पणी सभ फूसि प्रमाणित हो ।

    नहि तँ ई चुनावी आश्वासनहि बूझल जायत ।

    शुभमस्तु ।

  4. hamra t bujha rahal ahi loksabha chunab najdik ahi tahi l k e bisay akhan charcha mai ahi jabtak mithlanchal ke kono neta cm nai banta mithlanchal ke bikas nai het?

Comments are closed.