कर्मी क कमी दूर करत बिजली कंपनी

पटना । बिहार स्टेट (होल्डिंग) पावर कंपनी लिमिटेड मे अगिला तीन वर्ष मे 2800 कर्मचारी क नियुक्ति करत। सहायक आ कनीय अभियंता स ल कए मीटर रीडर सहित अन्य श्रेणी क कर्मचारी क नियुक्ति होएत। एहि वर्ष एक नवंबर स पांचटा कंपनी मे पुनर्गठित भेलाक बाद कंपनी बिजली आपूर्ति व्यवस्था मे सुधार क मद्देनजर इ निर्णय लेल गेल अछि। कंपनी क अधीन फिलहाल 8585 कर्मचारी आ अधिकारी छथि। वित्तीय वर्ष 2015-16 तक 11,385 कर्मचारी क नियुक्ति करबाक अछि। तीन वित्तीय वर्ष मे 2800 कर्मचारी क नियुक्ति क मकसद विद्युत आपूर्ति व्यवस्था मे आओर सुधार करब अछि। अधिकारी क मानल जाए त चरणबद्ध तरीका स कर्मचारी क नियुक्ति कैल जाएत। वर्तमान मे कर्मचारी क कमी क कारण कंपनी कईटा कार्य कए ठेका पर द रखने अछि। फ्यूज कॉल क समस्या हुए या फेर तार खसबाक, पटना सन शहर मे सेहो एहि तरहक गड़बडी कए ठीक करबा मे कई घंटा लागि जाइत अछि। निचला स्तर क पद पर कर्मचारी क कमी क कारण बिजली आपूर्ति मे भ रहल परेशानी कए देखैत कंपनी निर्णय लेलक अछि जे नियुक्ति कैल जाए। इ नियुक्ति स्थायी वेतनमान मे होएत। पिछला साल समीक्षा क बाद कंपनी (बिजली बोर्ड) मे नव नियुक्ति कैल गेल छल। 287 कनीय सारिणी पुरुष (मीटर रीडर), 77 तकनीशियन फीटर, 10 डाटा इंट्री ऑपरेटर, 16 लेखाधिकारी क नियुक्ति भेल छल। 133 गोटे कए अनुकंपा क आधार पर नौकरी भेटल, त 1792 गोटे कए प्रोन्नति देल गेल। जखनकि 178 सहायक अभियंता आ 160 कनीय अभियंता क नियुक्ति क प्रक्रिया चलि रहल अछि। सेवानिवृत्ति क बाद कंपनी मे काज क चुकल अनुभवी लोक मे 41 कए अनुबंध पर राखल गेल अछि।

maithili news, mithila news, bihar news, latest bihar news, latest mithila news, latest maithili news, maithili newspaper, darbhanga, patna

नीक वा अधलाह - ज़रूर कहू जे मोन होय

comments