कमला-गंगा इंटरसिटी क जगह पर चलत आब डीएमयू

पटना : कमला-गंगा इंटरसिटी समेत तीनटा परंपरागत ट्रेन क स्थान पर रेलवे डीएमयू गाडी चलेबाक फैसला केलक अछि। पटना-गया पैसेंजर और राजगीर-दानापुर इंटरसिटी बाकी दूटा परंपरागत पैसेंजर ट्रेन अछि जेकरा पूर्व मध्य रेल अंतिम विदाई देबाक निर्णय लेलक अछि। नवका फैसलाक अनुसार आब यात्री 100-150 किलोमीटर तक क रेल यात्रा डीएमयू (डीजल मल्टिपल यूनिट) आ इएमयू (इलेक्ट्रिक मल्टिपल यूनिट) ट्रेन स क सकताह। पूर्व मध्य रेल क महाप्रबंधक मधुरेश कुमार एमयू ट्रेन क संख्या मे वृद्धि क घोषणा करैत कहला जे अगिला एक साल मे परंपरागत कोच (कन्वेंशनल) कए हटा कए डेमू-मेमू ट्रेन चलाउल जाएत।
ओ कहला जे परंपरागत पैसेंजर ट्रेन मे बैसबा लेल सीट होइत अछि जखन कि ठार रहबा लेल बेसी जगह नहि होइत अछि। सब डिब्बा अलग अलग होइत अछि, ओतहि डेमू-मेमू ट्रेन मे एकटा बोगी मे प्रवेश क अन्य बोगी मे गेल जा सकैत अछि। बोगी क प्रवेश द्वार सेहो परंपरागत ट्रेन स पैघ होइत अछि। सामान्य तौर पर एकरा लोकल ट्रेन कहल जाइत अछि। किया त 100 स 150 किलोमीटर क बीच एहि तरह क ट्रेन क परिचालन होइत अछि। एहि मे एकटा इंजन आगू आ एकटा पाछु होइत अछि।

इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa

नीक वा अधलाह - ज़रूर कहू जे मोन होय

comments