कनाडा आ बांग्लादेश निर्यात होएत दरभंगा मे बनल हाइड्रोलिक जैक

0
14

13drg30-c-2दरभंगा : इ कोनो सपना नहि, बल्कि सपना क साकार रूप अछि जे दरभंगा मे बनल हाइड्रोलिक जैक क पहिल आॅडर कोनो आन प्रदेश मे नहि, बल्कि कनाडा आ बांग्लादेश स भेटल अछि। दोनार औद्योगिक प्रांगण (डीएडा) मे ठाकुर इंजीनियरिंग वर्क्स क उद्घाटन क संगहि इ आॅडर कंपनी कए भेट गेल। ज्योतिषाचार्य उदयचंद्र झा क मंत्रोचार क बीच प्रोपराइटर सुनील कुमार ठाकुर इ सुखद समाद कहला। श्री ठाकुर भावुक स्वर मे कहला जे आइ हमर स्वर्गीय पिता क सपना पूरा भ गेल। बीस वर्ष पूर्व एकर अनुज्ञप्ति भेटल छल, मुदा आइ इ अहांक सामने अछि। ओ कहला जे एखन धरि दरभंगा मे केवल कृषि यंत्र कए बेचबाक काज कैल जाइत छल। आब दरभंगा मे एकर उत्पादन कैल जाएत। आब मिथिला क किसान कए सस्ता कृषि यंत्र लेल कोनो आन राज्य जेबाक मजबूरी नहि रहत। ओ कहला जे एहि यंत्र स संबंधित वेबसाईट सेहो बनाउल गेल अछि। साइट क फायदा सेहो देखा रहल अछि जे उदघाटन क संगहि कनाडा स 150 पीस हाईड्रो ट्रॉली आ बांग्लादेश स 50टा हाइड्रोलिक जैक क आर्डर प्राप्त भ चुकल अछि। एहि दूनू देश कए आर्डर दरभंगा लेल नहि बल्कि बिहार लेल सम्मानक गप अछि ताहि लेल हम सब ससमय माल निर्गत करबा लेल जी जान स काज शुरू क रहल छी। उम्मीद अछि एहि मास क अंत तक माल क आपूर्ति शुरू क देल जाएत। ओ कहला जे कंपनी देश मे ब्रिकी लेल डीलरशिप क आवंटन क रहल अछि। ओ कहला जे बिहार क आम किसान कए सस्ता कृषि यंत्र मुहैया करेबा लेल 2014 मे कंपनी अपन अलग स शो रूम खोलत। श्री ठाकुर कहला जे उत्पादन क्षमता बरकरार रखबा लेल कच्चा माल क कोनो दिक्कत नहि होएत, कंपनी पंजाब क रतन इंडस्ट्रीयल आ पाल इंडस्ट्रीयल कंपनी स समझौता केलक अछि। एहि अवसर पर मुख्य अतिथि संजीव सिंह कहला जे मिथिला क धरती पर कृषि यंत्र उत्पादन क संकल्प लेब अपना आप मे एकटा पैघ आ सौभाग्य क गप अछि। स्थानीय लोक कए रोजगार भेटबाक क संगहि आन उद्योगपति कए सेहो इ कंपनी प्रेरित करत।
इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bihar news, darbhanga, latest bihar news, latest maithili news, latest mithila news, maithili news, maithili newspaper, mithila news, patna, saharsa

Please Enter Your Facebook App ID. Required for FB Comments. Click here for FB Comments Settings page