एवन मार्च स करत बिहार मे साइकिल क उत्‍पादन

हाजीपुर क प्लांट मे रोज बनत 500 साइकिल
हीरो साइकिल्स आ टीआई साइकिल लेल नहि भेटल जगह
पटना।
आब ओ दिन दूर नहि जखन हम सब बिहार मे उत्‍पादित साइकिल पर चढब। एवन साइकिल लिमिटेड हाजीपुर मे अपन प्लांट बनेबा मे जुटि गेल अछि। सरकार कंपनी कए एहि प्‍लांट लेल 2.5 एकड़ जमीन क आवंटन केने छल। एवन साइकिल क प्रबंध निदेशक ओंकार सिंह पहवा क कहब अछि जे प्रस्‍तावित प्‍लांट स चालू वित्तीय वर्ष क अंत तक उत्पादन शुरू भ जाएत। शुरू मे सब दिन 500 साइकिल क उत्पादन होएत मुदा मांग कए देखैत एकर उत्पादन क्षमता बढ़ाउल जाएत। ज्ञात हुए जे भारत मे बिहार साइकिल क सबस पैघ बाजार अछि। मुदा आब बहुत जल्‍द बिहार सबस पैघ साइकिल उत्‍पादक राज्‍य सेहो बनि जाएत।
लुधियाना मे बिहारी मजदूरक किल्‍लत आ बिहार मे बढैत साइकिल बाजार कए देखैत साइकिल निर्माण स जुडल कईटा दिग्गज कंपनी सब बिहार मे अपन नव अड्डा बनेबा क फैसला क चुकल अछि, एवन कए त मनचाहा जमीन भेल गेल, मुदा बाकी कए एखन धरि मनचाही जमीन नहि भेट सकल अछि, ताहि लेल हुनकर परियोजना जमीन पर आगू नहि बढि रहल अछि।
एवन साइकिल लिमिटेड क प्रबंध निदेशक ओंकार सिंह पहवा कहला जे जमीन एकटा पैघ समस्‍या अछि आ राज्‍य सरकार एहि दिस गंभीरता स काज नहि क रहल अछि। हमर कंपनी सेहो बिहार मे साइकिल क बढैत मांग कए देखैत हाजीपुर मे प्लांट स्थापित करबाक निर्णय लेलक अछि। बिहार मे सालाना 30 लाख साइकिल क बिक्री भ रहल अछि। एहि मे एवन क 26 प्रतिशत मार्केट शेयर अछि। हाजीपुर प्‍लांट शुरू भेला स हमर मार्केट शेयर बढबाक उम्‍मीद अछि। कंपनी क बिहार मे 108, झारखंड मे 45 आ नेपाल मे 12 टा डीलर अछि। ओ कहला जे हाजीपुर प्‍लांट पर आठ करोड खर्च कैल जा रहल अछि।
दोसर दिस राज्य सरकार क कहब अछि जे टीआई साइकिल्स शुरुआत मे राज्य सरकार स पटना मे जमीन मंगने छल। मुदा जमीन क जे टुकड़ा राज्य सरकार द रहल छल, ओ कंपनी क अधिकारी कए पसंद नहि आयल। कंपनी राज्य मे 45 करोड़ क लागत स अपन कारखाना क निर्माण क योजना बनाने अछि। ओकर उत्पादन क्षमता 20 लाख साइकिल निर्धारित अछि।
देश क जानल-मानल दू-पहिया वाहन निर्माता कंपनी हीरो साइकिल्स क प्रबंध निदेशक पंकज मुंजाल क सेहो राज्य सरकार क अधिकारी क संग कई बेर बैसार भ चुकल अछि। हालांकि, एखन धरि हुनक परियोजना जमीन क मसला पर अटकल अछि। मुंजाल क कहब अछि जे बिहार मे हुनकर कंपनी रोजाना करीब 4,000 साइकिल बेचैत अछि। एहन मे जाहिर अछि जे हुनका लेल इ काफी पैघ बाजार अछि। मुदा मनमाफिक जमीन नहि भेटला स हुनकर प्‍लांट नहि लागि सकल अछि। ओ कहला जे हुनकर कंपनी पटना क आसपास क इलाके मे अपन इकाई लगेबाक योजना सरकार लग देने अछि, मुदा सरकार पटना लग जमीन नहि द रहल अछि। सूत्र क कहब अछि जे हीरो साइकिल राज्य मे करीब 100 करोड़ क निवेश क योजना बनेने अछि।
एहि पूरा मामला पर राज्य क उद्योग मंत्री रेणु कुशवाहा क कहब अछि जे सरकार कोनो एकटा इलाका मे सबटा कंपनी कए जमीन नहि द सकैत अछि। हमरा पूरा राज्य क औद्योगिकीकरण करबाक अछि। सबटा निवेशक कए पटना मे जमीन देब असंभव अछि। हुनका अन्‍य शहर क चयन करबाक चाही। अगर कोनो निवेशक पटना छोडि कए कोनो आओर हिस्सा मे जमीन लेता त सरकार देबा लेल तैयार अछि। हमसब निवेशक लेल देश क सबस नीक औद्योगिक नीति बनेने छी। हम हुनका हरमुमकिन मदद द रहल छी। हुनका सरकारक इ दुविधा कए बुझबाक चाही। बिहार में बहुत शहर अछि जाहि ठाम ओ अपन प्‍लांट लगा सकैत छथि।
maithili news, mithila news, bihar news, latest bihar news, latest mithila news, latest maithili news, maithili newspaper, darbhanga, patna

नीक वा अधलाह - ज़रूर कहू जे मोन होय

comments