उद्योग लगेबा लेल ‘आओ बिहार’ योजना शुरू

मुजफ्फरपुर : जिला मे नब उद्योग क लेल भूमि उपलब्ध करेनिहार संस्था बिहार औद्योगिक क्षेत्र विकास प्राधिकार (बियाडा) क भूमि बैंक खत्म हेबाक कगार पर अछि । एहन मे चिंतित उद्योग विभाग, जेकर जिला स्तर पर ‘आओ बिहार’ योजना साल भरि पहिने स चलि रहल अछि । आब एहि योजना कए जिला पदाधिकारी कार्यालय स्तर पर क्रियान्वित करबाक कवायद शुरू भ गेल। आओ बिहार योजना शुरू करबाक उद्देश्य नब औद्योगिक इकाई बा तकनीकी शैक्षणिक संस्था मे निवेश कए प्रोत्साहित करब अछि। एहि क तहत एहन भूधारी जे स्वेच्छा स अपन भूमि बेचअ चाहताह हुनका शामिल कैल जाएत।

एहन अछि जमीन बिक्री क प्रक्रिया
भू-मालिक कए कोनो शैक्षणिक तकनीकी संस्थान बा बड़का उद्योग क लेल जमीन बेचब अछि। त एकरा लेल लिखित आवेदन पत्र जिला पदाधिकारी कार्यालय मे दियए पड़त। उक्त जमीन इच्छुक उद्यमी कए उपलब्ध करा देल जाएत। आवेदन मे जमीन क ब्योरा क संग पंजीयन करैब अनिवार्य अछि।

बियाडा क जमीन खपि गेल उद्योग मे
बेला औद्योगिक क्षेत्र मे पिछला 35 साल मे 375 एकड़ भूमि उद्योग क स्थापना मे खपि गेल अछि। 30 अप्रैल कए आवंटित 40टा उद्योग कए जमीन देलाक बाद आब प्राधिकार लग भूमि बैंक खत्म भ गेल अछि।

निजी भूमि बैंक मे नहि आएल एक्को आवेदन
सरकार आओ बिहार क अलावा निजी भूमि बैंक क सेहो स्थापना क प्रस्ताव केने छल मुदा पिछला तीन मास मे एक्को टा निजी भूमि बैंक स्थापना क लेल पैघ भू स्वामी आगा नहि एलाह।
इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa

नीक वा अधलाह - ज़रूर कहू जे मोन होय

comments