आसमान छूलक पटनाक रियल एस्टेट

patnaतीन साल मे बढ़ल 100 फीसदी दाम
आवासीय प्रॉपर्टी क कीमत 3000-4000 टका प्रति वर्ग मीटर
व्यावसायिक प्रॉपर्टी क दाम 6,000-10,000 टका प्रति वर्ग मीटर
बीतल दू माह मे पटना मे 5000 फ्लैट क निर्माण क घोषणा, सबटा बुक

अपार्टमेंट क नक्शा पास हेबा पर एहि ठाम सरकारी बैंक स कर्ज भेटब आब कोनो समस्या नहि रहल। पिछला दू-तीन साल मे बिहारक खास कए पटनाक कानून व्यवस्था मे सुधार क संग-संग औद्योगिक विकास क गति सेहो तेज भेल अछि। कई नामी कंपनी एहि ठाम अपन जॉब वर्क शुरू करबा चुकल अछि, कईटा पाइपलाइन मे अछि। एहि कारण लोक क सोच मे फर्क आयल अछि। पटना क प्रॉपर्टी बाजार मे निवेशक सेहो काफी सक्रिय भ गेलाह अछि, एक संग आठ-दस फ्लैट क बुकिंग सेहो धड़ल्ले स भ रहल अछि।
अखिलेश कुमार, डीलर

सामान्यत महंगाई बढ़ला स लोक दुखी होइत अछि, मुदा कखनो एहनो परिस्थिति होइत अछि जखन महंगाई बढ़ला पर लोक खुश भ जाइत अछि। पटना क रियल एस्टेट क संबंध मे अगर एहने परिस्थिति क उदाहरण देल जाए त कोनो अतिशयोक्ति नहि होइत। दिल्ली, मुंबई, बेंगलुरु समेत तमाम पैघ शहर क रियल एस्टेट क दाम एक साल क दौरान 25-30 फीसदी क कम भ गेल अछि, ओतहि पटना क प्रॉपर्टी बाजार मे एहि दौरान 60 फीसदी तक क तेजी दर्ज कैल गेल अछि। पिछला तीन साल क दौरान त पटना क प्रॉपर्टी बाजार मे लगभग 100 फीसदी क तेजी आयल छि, जे बदलैत बिहारक एखन तक कए सबस पैघ सबूत अछि।
रियल एस्टेट एजेंट एहि तेजी क लेल पटना क प्रति लोक रुझान मे आयल बदलाव कए मुख्य कारण मानि रहल छथि। डीलर क मुताबिक वर्तमान मे पटना क मुख्य जगह पर आवासीय प्रॉपर्टी क कीमत 3000-4000 टका प्रति वर्ग मीटर अछि, जखन कि व्यावसायिक प्रॉपर्टी क दाम 6,000-10,000 टका प्रति वर्ग मीटर चलि रहल अछि। ज्ञात हुए जे इ दाम दिल्लीक करोलबाग,बारहखंबा रोड आ मुंबई क दादरक भाव स मेल खा रहल अछि।
पिछला साल अगस्त-सितंबर क दौरान आवासीय प्रॉपर्टी क दाम 2000-3000 टका प्रति वर्ग मीटर छल त व्यावसायिक प्रॉपर्टी 4,000-8,000 टका प्रति वर्ग मीटर क स्तर पर छल। पिछला 20 साल स पटना मे रियल एस्टेट क कारोबार करि रहल राज कुमार श्रीवास्तव कहैत छथि,’ वर्ष 1998 मे पटना क पॉश इलाक मे शुमार बोरिंग रोड मे प्रॉपर्टी क कीमत 400 टका प्रति वर्ग मीटर छल। तखनो कोई एकरा लेबा लेल तैयार नहि छल। बिहारक पैघ पदाधिकारी अपन घर-जमीन बेची कए पुणे, नवी मुंबई या फेर दिल्ली मे मकान खरीद लैत छलाह। मुदा आब बहुत एहन लोक छथि जे पुणे आ नवी मुंबई स लौट कए फेर पटना मे घर खरीद कए रहबाक मन बना लेलथि अछि। किछु लोक त लौट चुकलथि अछि। पटना मे मांग बढ़लाक कारण स आब दाम 5000 टका प्रति वर्ग मीटर तक पहुंच चुकल अछि। प्रॉपर्टी कारोबारी कहैत छथि जे फिलहाल शहर क विभिन्न इलाका मे तीन पैघ शापिंग मॉल बनि रहल अछि। एहि इलाका क दाम 6200-10,000 टका प्रति वर्ग मीटर चलि रहल अछि।
ओ गर्व क संग कहैत छथि जे इ दाम दिल्ली क करोल बाग सन नामी बाजार मे उपलब्ध व्यावसायिक जगह क करीब अछि। पटना मे प्रकाश झा क मल्टीप्लेक्स अगिला साल तक बनि कए तैयार भ रहल अछि। पटना मे फिलहाल दू बेडरूम वाला फ्लैट क दाम कम से कम 22 लाख टका क आसपास अछि। पॉश इलाका मे त इ दाम 45 लाख क स्तर कए छू चुकल अछि।
कदमकुआं मे 1450 वर्ग मीटर मे बनल 3 बेडरूम क फ्लैट क दाम 42 लाख, बोरिंग रोड क मल्टीस्टोरिज अपार्टमेंट मे 1000 वर्ग मीटर मे बनल फ्लैट क दाम 30 लाख , आशियाना रोड स्थित अपार्टमेंट मे 1250 वर्गमीटर मे बनल फ्लैट क दाम 28 लाख बताउल जा रहल अछि।
फ्लैट क दाम मे तेजी क संग आवासीय भूखंड क दाम मे सेहो विगत एक साल मे 50-60 फीसदी क इजाफा दर्ज भ चुकल अछि। प्रमुख जगह पर 1000-1200 वर्ग गज जमीन क दाम 25-27 लाख तक जा पहुंचल अछि। शहर स दूर फुलवारीशरीफ मे 2700 वर्ग गज क कीमत 32 लाख बताउल जा रहल अछि।
डीलर क मुताबिक बीतल दू माह मे पटना मे 5000 फ्लैट क निर्माण क घोषणा भ चुकल अछि आ सबटा बुक भ चुकल अछि। डीलर अखिलेश कुमार कहैत छथि जे अपार्टमेंट क नक्शा पास हेबा पर एहि ठाम सरकारी बैंक स कर्ज भेटब आब कोनो समस्या नहि रहल। पिछला दू-तीन साल मे बिहारक खास कए पटनाक कानून व्यवस्था मे सुधार क संग-संग औद्योगिक विकास क गति सेहो तेज भेल अछि। कई नामी कंपनी एहि ठाम अपन जॉब वर्क शुरू करबा चुकल अछि, कईटा पाइपलाइन मे अछि। एहि कारण लोक क सोच मे फर्क आयल अछि। पटना क प्रॉपर्टी बाजार मे निवेशक सेहो काफी सक्रिय भ गेलाह अछि, एक संग आठ-दस फ्लैट क बुकिंग सेहो धड़ल्ले स भ रहल अछि।

नीक वा अधलाह - ज़रूर कहू जे मोन होय

comments

1 टिप्पणी

  1. त आब ई पटना पहुंचल..चलू खुशी के गप अईछ जे जमीन के भाव बैढ रहल अईछ..मुदा ऐहि स की पटना के शहरीकरण अथवा कहल जाय कि सुंदरीकरण पर कुनो सकारात्मक-नकारात्मक प्रभाव पडत की…

Comments are closed.