आमिर संग पटना मे थ्री इडियट्स देखताह नीतीश!


पटना। नरेंद्र मोदी आ नीतीश कुमार मे पिछला लोकसभा चुनाव स प्रतिद्वंद्विता जारी अछि। लोकसभा चुनाव में राजग कए शानदार जीत दिया, मोदी कए पाछु छोड़लाक बाद नीतीश आर्थिक विकासक मामला मे सेहो मोदी स मात्र शून्य दू फीसदी पाछु रहलाह। आब टटका मामला फिल्म स अछि। मोदी हाल मे अमिताभ क फिल्म पा देखलाह अछि। आब नीतीश मोदी कए उत्तर देबा लेल आमिर खान क हिट फिल्म थ्री इडियट्स देखताह। नीतीश कहला जे ओना त ओ पा सेहो देखबाक इच्छा सेहो रखैत छी, मुदा हुनकर सिनेमा हाल पहुंचला स पूरा सिस्टम अस्त-व्यस्त भ जाइत अछि। मुदा थ्री इडियट्स देखबा स अपना कए नहि रोकि पाबि रहल छी।
सूत्रक कहब अछि जे मोदी आ आमिर मे झगड़ा अछि, एहन मे नीतीशक आमिरक फिल्म देखब एक प्रकार स मोदीक राजनीतिक उत्तर अछि। ओना एकर खाका रविदिन तैयार भ चुकल छल। मुंबई मे आमिर खान स मुख्यमंत्री नीतीश कुमार क खूब गुफ्तगू भेल। आमिर मुख्यमंत्री क बगल मे बैसल छलाह। मुख्यमंत्री आमिर कए कहला जे ओ (नीतीश) सोचैत छलाह जे अपन फिल्म क प्रचार मे अहां (आमिर) बिहार जरूर आएब। एहि पर आमिर खान कहला जे ओ बिहार एबाक योजना बना रहल छथि, मुदा एखन धरि किछु तय नहि भ सकल अछि। मुख्यमंत्री आमिर खान कए बिहार एबाक निमंत्रण सेहो देलथि अछि। आमिर निमंत्रण कए स्वीकार करि लेलथि अछि।

नीक वा अधलाह - ज़रूर कहू जे मोन होय

comments