आतंकी बता दरभंगा स फेर उठा लेल गेल युवक, नीतीश जतेलाह आपत्ति

पटना/ दरभंगा। दरभंगा स कथित तौर पर इंडियन मुजाहिदीन क आतंकी बता एकटा युवक क गिरफ्तारी पर मुख्यमंत्री नीतीश कुमार तमसाह गेलथि अछि। नीतीश कए एहि संबंध मे जखन सूचना भेटल त ओ बिहार क डीजीपी कए तलब केलथि आ हुनका तत्‍काल कर्नाटक क डीजीपी स गप करबा लेल कहलथि। बिहार पुलिस एकरा लेल औपचारिक तौर पर विरोध दर्ज सेहो करेबाक तैयारी क रहल अछि। पूरा मामला कए अति गंभीर कहैत मुख्‍यमंत्री नीतीश कुमार बिहार पुलिस स एहि पर रिपोर्ट तलब केलथि अछि। नीतीश कहला जे एनसीटीसी क बैसार मे सेहो ओ इ मसला उठेने छलाह तखन अगर इ भेल त इ बिल्कुल भी न्यायसंगत नहि कहल जा सकैत अछि। बिहार सरकार स बिना पूछने दरभंगा स युवक क गिरफ्तारी अनुचित अछि। नीतीश कहला जे ओ गृह मंत्रालय कए सेहो एहि पर रिपोर्ट पठौताह। ज्ञात हुए जे बेंगलुरु पुलिस इंडियन मुजाहिदीन क दूटा आतंकी कए गिरफ्तार करबाक दावा क रहल अछि। बेंगलुरु पुलिस क अनुसार इंडियन मुजाहिद्दीन क ऑपरेटिव मोहम्मद कफील अख्तर 6 मई कए दरभंगा स, जखन कि लश्कर क ऑपरेटिव सयैद अब्दुल रहमान 7 मई कए कर्नाटक क चामराज स गिरफ्तार कैल गेल अछि। हिनका दूनू पर चिन्नास्वामी स्टेडियम मे 2009 मे भेल एकटा छोट सन धमाका करबाक आरोप अछि। बेंगलुरु पुलिस क अनुसार एहि मे कफील क भूमिका अहम रहल छल। पुलिस दूनू स पूछताछ क रहल अछि। बेंगलुरु पुलिस क ज्वाइंट सीपी बी. दयानंद क कहब अछि जे मोहम्मद कफील कए बेंगलुरु आनल जा रहल अछि।
दोसर दिस, दरभंगा क केवटी थाना क्षेत्र क बाढ़-समैला गाम मे लोक क आक्रोश देखल जा रहल अछि। आतंकी बता जेकरा कर्नाटक पुलिस उठा ल गेल ओ दरभंगा क एकटा स्कूल मे शिक्षक क रूप मे कार्यरत अछि। सादा वर्दी मे आयल कर्णाटक पुलिस क 12 सदस्यीय टीम 6 मई कए भोर कफील कए घर स उठा ल गेल। कफील क पिता अब्दुल सलाम क कहब अछि जे हुनकर बेटा कहियो बेंगलुरु नहि गेल अछि। कफील क माई नोरायल आंखि स बस एतबा कहैत अछि जे ओकर बेटा निर्दोष अछि। एक दिस एहि गिरफ़्तारी क बाद गाम मे खौफ क माहौल अछि त दोसर दिस आक्रोश सेहो बढल जा रहल अछि। एहि मामला मे सबस निकम्‍मा देखा रहल अछि दरभंगा क पुलिस। दरभंगा पुलिस क क्षेत्राधिकार स आन राज्‍यक पुलिस एकटा युवक कए गिरफ़्तार क ल कए चल गेल, मुदा ओकरा खबरि तक नहि लागल। दरभंगा पुलिस क एहि लापरवाही पर पुलिस मुख्‍यालय सेहो सख्‍त भेल अछि आ एसएसपी स मामला क पूरा रिपोर्ट तलब कैल गेल अछि। ओना एसएसपी क कहब अछि जे दरभंगा पुलिस कए एहि गिरफ़्तारी क जानकारी नहि देल गेल छल। सवाल उठैत अछि जे पिछला किछु मास मे विभिन्‍न राज्‍यक पुलिस अबैत अछि आ बिना कोनो नियम कानून कए दरभंगाक युवक कए उठा ल जाइत अछि आ दरभंगा पुलिस मुंह देखैत रहि जाइत अछि। एहि गिरफ़्तारी क बाद उम्‍मीद कैल जाए जे दरभंगा पुलिस अपन निकम्‍मापन कए छोडि अपन सीमा मे आन पुलिसक कार्रवाई रोकबा लेल सजग रहत।

maithili news, mithila news, bihar news, latest bihar news, latest mithila news, latest maithili news, maithili newspaper

नीक वा अधलाह - ज़रूर कहू जे मोन होय

comments

2 टिप्पणी

  1. SIR G BINA AIG KE DHUWA NAI UTAITH CHHAI AHAN KE AUR HAMRA KIYA NAI PAKARLAK.AA OKRE PAKAIR KE LE GEL. AA KONO APRADHI EE NAI KAHAIT AICH JE HUM APRADHI CHHI. EKATA BAT AUR JE AHAN LIKHLO HAN JE EKTA CHHOT CHIN BOMB BISHFOT SHRI MAAN CHHALAI T BOMB BISHFOT NA.INDIA PAKISTAN KE MATCH JITLA KE BAD KE PHATAKA NAI SHREE MAN APNE MEDIA ME CHHIYE KANI BHASA AA SABD PAR DYAN DIYO.

  2. Nitish ji ke ekta nik prayas atanki ke bihar tak failaba me.ona gyat bhela je aaro khatarnak atanki mithila me sharan lene chaith.aab hunka bachaba par jor debak chahi takhan vote bhetat ne.vikash ke jhunjhuna kate bajayeb

Comments are closed.