आकाश भेल अप्‍पन, जल्द शुरू होएत दरभंगा आ पूर्णिया स हवाई सेवा

दरभंगा/पटना/ नई दिल्‍ली । आखिर आकाश अप्‍पन भ गेल। एकटा सपना छल जे अक्टूबर मे पूरा भ जाएत। दरभंगा, पूर्णिया, गया आ पटनाक बीच हवाई सेवा अक्टूबर क अंत तक उपलब्‍ध भ जाएत। एहि गप क जानकारी स्प्रीट एयर लाइन क पटना एयर पोर्ट मैनेजर सुरेश प्रसाद इसमाद स एकटा विशेष चर्चा में देलथि अछि। प्रसाद कहला अछि जे केंद्र सरकार स पटना हवाई अडडा जहाज रखबा लेल स्‍थान आ अनुमति भेट गेल अछि आ छह सितंबर कए जर्मनी स विमान दिल्ली पहुंच गेल। किछु कागजी प्रक्रिया पूरा केलाक बाद 20 दिन मे जहाज पटना आबि जाएत। प्रसाद कहला जे किछु व्‍यावहारिक तैयारी क बाद उम्‍मीद अछि जे 15 स 30 अक्टूबर तक  बिहार क चारिटा शहर हवाई सेवा स जुडि जाएत। प्रसाद कहला जे एखन दरभंगा, पटना, पूर्णिया आ गया स इ सेवा उपलब्‍ध रहत। प्रसाद क अनुसार कंपनी भागलपुर लेल सेहो प्रयासरत छल मुदा राज्‍य सरकार भागलपुर मे विमान उतारबा लेल 63 हजार टका मांगि रहल अछि जखन कि दरभंगा आ पूर्णिया मे विमान उतारबा लेल भारतीय वायुसेना केवल नौ हजार टका ल रहल अछि। प्रसाद कहला जे दिल्‍ली आ कोलकाता एखन जोडब संभव नहि अछि मुदा बगलक राज्‍य झारखंडक दूटा शहर रांची आ जमशेदपुर सेहो एहि सेवा स जुडि जाएत। ज्ञात हुए जे इ कंपनी पिछला साल सेहो एहन प्रयास केने छल मुदा तकनीकी कारण स सफल नहीं भ सकल। एकर बाद लोक एहि सेवा कए लकए नाउम्मीद भ चुकल छल। महाराज दरभंगा क दरभंगा एयरलाइंसक बाद इ पहिल मौका छल जखन कोनो निजी कंपनीक सेवा दरभंगा हवाई अड्डा स शुरू हुए जा रहल अछि।
देर आये दुरुस्त आये क कहावत कए चरितार्थ करैत स्प्रीट एयर लाइन यात्री क बढैत संख्‍या कए देखैत अपन तीन सीटर क स्‍थान पर दस सीटर विमान उतारि रहल अछि। नव सेवा कई मायने मे फायदेमंद साबित भ सकैत अछि। तीन क जगह 10 यात्री कए लकए उड़ान भरला स विमान किराया कम भ सकैत अछि, आ पटना क अलावा महानगर क लेल सेहो सेवा आरंभ हेबाक संभावना बढ़त। यात्री कए सामान लकए चलबा मे सेहो सहूलियत होएत। सुरेश प्रसाद कहलथि अछि जे एकरा लेल जर्मनी क एकटा कंपनी स भाड़ा पर विमान लेल गेल अछि, जे दिल्ली पहुंच चुकल अछि। दिल्ली स विमान एलाक बाद समय सारणी आ आन तरहक जानकारी उपलब्‍ध करा देल जाएत। उम्मीद अछि जे एहि माह मे सब किछु तय भ जाइत आ अगिला माह विमान उपलब्ध भेला पर तिथि घोषित करि देल जाएत। प्रसाद कहला जे सरकार अगर मदद करए त भगलपुर आ मुजफ्फरपुर स सेहो इ सेवा शुरू भ सकैत अछि। हालांकि मुजफ्फरपुर जिला प्रशासन क दिस स हवाई अड्डा कए उड़ान लायक बनेबा लेल आहूत बैठक बेर-बेर टलला स स्प्रीट एयर लाइन निराश अछि। पटना एयर पोर्ट मैनेजर श्री प्रसाद कहैत छथि जे अगर मुजफ्फरपुर क एयर पोर्ट दुरुस्त भ जाए त सीधा कोलकाता, मुंबई क लेल सेहो सेवा शुरू करबा क विचार भ अछि।

नीक वा अधलाह - ज़रूर कहू जे मोन होय

comments

13 टिप्पणी

  1. बहुत प्रशन्नताक गप्प ।
    बहुत नीक समाद देल अपने ।
    एहि समादक चिरप्रतिक्षा रहए, आ लगैत छल जे शायद कहियो नञि भेटत ।
    अपने केँ, भारतिय वायुसेना केँ आ स्प्रीट एअरलाइंस केँ हार्दिक शुभकामना आ संगहि धन्यवाद ।

  2. आ रहल टाँग घिचबाक गप्प, से ओ तऽ अवश्ये कि ने बिहारक पुराण गुणधर्म जे थिक आ तकरे फल एखनहु भोगि रहल अछि बिहार ।

    लोक अप्पन उन्नतिक लेल विचार आ प्रयत्न नञि करत, पर दोसराक अवनति करबाक हेतु सतत् विचारशील प्रयत्नशील रहत ।

    उदाहरणक लेल बिहारक नामे रेल्वे द्वारा बहुते रास परियोजना सभ घोषित भेल जकरा देखि आन आन प्रांत सभ केर भौंह तनि गेलैक, पर यथार्थ मे बहुत कम्महि परियोजना पूरा भेलैक । कारण अपनहि राज्यक बाद मे आबय वाला रेल मण्त्री पहिलुका द्वारा घोषित परियोजना सभ केँ बन्न कऽ देलक, नवीन परियोजना घोषित कयलक ओकरा अगिला मण्त्री बन्न कऽ देलक आ चक्र – कुचक्र चलैत रहल ।

  3. wah wah wah, mon gad gad bhai gel….. Sab gotay ke bahut bahut dhanyabad…. Mithila desh mahan, gaaun mili sab akre gun gaan….. Mithila desh mahan.

    • Asim prasannta bhel , MITHILA RAJYA dis badhait pahiluk mahatwpurn deg…………..badhaai…

Comments are closed.