अगिला सत्र स आईटीआई मे ड्रेस कोड : सिग्रीवाल

नर्मदा कुमारी
सीतामढी। अगिला सत्र स प्रदेश क सबटा आईटीआई मे छात्र लेल ड्रेसकोड लागू कैल जाएत। श्रम संसाधन मंत्री जनार्दन सिंह सिग्रीवाल कहला अछि जे वातवरण निर्माण, छात्र मे आत्मविश्वास आ एकरुपता अनबा लेल आईटीआई संस्थान मे डेÑस कोड अगिला सत्र स लागू कैल जाएत। ओतहि ओ कहला जे अप्रासंगिक भ चुकल किछु टेÑड कए हटाउल जाएत। ओ कहला जे सबटा संस्थान मे खास ट्रेड क प्रशिक्षण देल जाएत ताकि गुणवत्तापूर्ण कौशलप्राप्त छात्र देश-विदेश मे नीक प्रदर्शन क सकथि। मॉडल आईटीआई क निर्माण क दिस सेहो सरकार प्रयास तेज क देलक अछि। श्रम संसाधन मंत्री जनार्दन सिंह सिग्रीवाल पटना मे आईटीआई क प्राचार्य आ उप प्राचाय क राज्यस्तरीय समीक्षा बैठक कए संबोधित करैत इ जानकारी देलथि। ओ कहला जे विभागीय सक्रियता बढ़ेबा लेल, संस्थान मे बुनियादी आवश्यकता क बहाली आ शिक्षक-छात्र हित स जुड़ल मामला क निष्पादन मे तेजी अनबा लेल आब चारि मास पर राज्यस्तरीय बैसार क आयोजन कैल जाएत। श्री सिंह उप प्राचाय क वेतन विसंगति शीघ्र दूर करबाक आ बकाया वेतन क शीघ्र भुगतान क सेहो भरोस देलथि। मंत्री सीतामढ़ी, बेगूसराय सहित गया आ मोतिहारी महिला आईटीआई कए अतिक्रमणमुक्त करबाक दिशा मे सेहो ठोस पहल करबाक आश्वासन देलथि। ओ कहला जे पीपीपी मोड आ विश्वबैंक क सहायता स सरकार कईटा संस्थान कए सेंटर आफ एक्सीलेंस बनेबाक योजना पर अमल शुरू क देलक अछि। श्री सिंह क अनुसार मुंगेर, हाजीपुर, डेहरी-आॅन-सोन, महिला आईटीआई मुजफ्फरपुर, महिला आईटीआई पटना, बेगूसराय, बक्सर, मढ़ौरा, फतुहा, बेतिया, सुपौल, घोघरडीहा आ वीरपुर आईटीआई कए सेंटर आफ एक्सीलेंस बनेबा लेल 3,056 लाख टका खर्च कैल जाएत। प्रति आईटीआई ढाई करोड़ टका खर्च करबाक योजना अछि। एकर अतरिक्त विश्वबैंक क सहायता स भागलपुर, मुजफ्फरपुर, गया, कटिहार, दरभंगा, मोतिहारी, फारबिसगंज आ सीतामढ़ी कए सेंटर आफ एक्सीलेंस बनेबा लेल 1960 लाख खर्च कैल जाएत। ओ दावा केलथि जे कईटा आईटीआई क भवन निर्माण शुरू भ गेल अछि।

इ-समाद, इपेपर, दरभंगा, बिहार, मिथिला, मिथिला समाचार, मिथिला समाद, मैथिली समाचार, bhagalpur, bihar news, darbhanga, Hawai seva, latest bihar news, latest maithili news, latest mithila news, maithili news, maithili newspaper, mithila news, patna, saharsa

नीक वा अधलाह - ज़रूर कहू जे मोन होय

comments