अंतत: पास भेल एम्स-पटना क डिजाइन

0
11
esamaad maithili newspaper

पटना। तत्कालीन उपराष्ट्रपति भैरो सिंह शेखावत पांच साल पहिने पटना मे बनेय वाला जहि ऑल इंडिया इंस्टिच्यूट ऑफ मेडिकल साइंस (एम्स-पटना) क आधारशिला रखने छलाह अंतत: ओकर डिजाइन कए स्वीकृति भेट गेल। निर्माण कार्य आरंभ करबा लेल एहि सप्ताह टेंडर निकलत । विलंब क कारण एहि संस्थान क निर्माण क लागत रहल जे 332 करोड़ स बढि़कए 843 करोड़ टका भ गेल अछि। केन्द्रीय स्वास्थ्य मंत्रालय क एकटा अधिकारी नाम नहि छापबाक शर्त पर समाद स कहला जे आवासीय परिसर बनि रहल अछि। निर्माण कार्य क लेल मंत्रालय कई तकनीकी एजेंसी स सहयोग ल रहल अछि। अस्पताल क निर्माण मे मुख्य रूप स हिन्दुस्तान लैटेक्स लिमिटेड मंत्रालय कए सहयोग करत। पहिने इ काज हास्पिटल सर्विसेज कन्सेल्टेंसी कारपोरेशन क जिम्मा मे छल। एहि महत्वाकांक्षी परियोजना क लेल राज्य सरकार 100 एकड़ जमीन मुहैया करौलक अछि। खगौल स्थित सिंचाई अनुसंधान परिसर क 33 एकड़ जमीन आवासीय परिसर आओर फुलवारीशरीफ स्थित वाटर एंड लैंड मैनेजमेंट इंस्टीच्यूट (वाल्मी) मे मुख्य भवन क लेल 77 एकड़ जमीन देल गेल अछि। संस्थान मे मेडिकल क पढ़ाई सेहो होयत आओर प्रत्येक वर्ष सौ छात्र-छात्रा क नामांकन भ सकत। समाद भेटल अछि जे केन्द्रीय स्वास्थ्य मंत्रालय क अधिकारी एहि प्रोजेक्ट मे दिलचस्पी नहि लैत छलाह जाहि स एखन धरि एकर डिजाइन कए स्वीकृति नहि भेटल छल। काउंसिल फॉर प्रोटेक्शन ऑफ पब्लिक राइट्स वेलफेयर क याचिका पर पटना उच्च न्यायालय जखन निर्माण कार्य शीघ्र शुरू करेबाक आदेश देलक तखन मंत्रालय सक्रिय हुआ और आरडीबी इंडस्ट्रीज से इसका डिजाइन तैयार कराया। इसे मंत्रालय क तकनीकी कमेटी दू सप्ताह पूर्व मंजूरी देबाक कष्टï केलक। निर्माण कार्य दू साल मे पूरा करबाक लक्ष्य रखल गेल अछि। याचिका दायर करै वाला संस्था क महासचिव महेंद्र प्रसाद गुप्ता समाद स कहलथि जे राज्य सरकार एखन धरि जमीन केन्द्र सरकार क नाम ट्रांसफर नहि केलक अछि। बिजली, पाइन आ सड़क सेहो मुहैया नहि भ सकल अछि। स्वास्थ्य मंत्रालय मे एहि प्रोजेक्ट क नोडल अफसर डॉ विनायक प्रसाद स कई बेर संपर्क करबाक बावजूद एहि संबंध मे गप नहि भ सकल अछि। प्रधानमंत्री स्वास्थ्य सुरक्षा योजना क तहत आठ राज्य मे एम्स क निर्माण भ रहल अछि, जाहि मे बिहार क अलावा छत्तीसगढ़, मध्य प्रदेश, उड़ीसा, राजस्थान, उत्तराखंड, पश्चिम बंगाल आओर उत्तर प्रदेश शामिल अछि।

Please Enter Your Facebook App ID. Required for FB Comments. Click here for FB Comments Settings page